اخبار الاقباط

الأنبا انطونيوس يروى تفاصيل قصة السيدة جيهان التي عادت بعد الموت

قال نيافة الأنبا أنطونيوس مطران الكرسي الاورشليمى خلال وعظتة انا قد قمت بزيارة السيدة جيهان التى عادت من الموت والرب قال لها ارجعي لسه ليكي رساله وسوف اروى لكم قصتها وهى ان السيدة جيهان جالها بعيد عنكم فيروس كورونا المستجد وفضلت بعد حين حالتها تدهور لحد مالدكاتره في المستشفى المسيحية اللى كانت فيها بلغ ابونا ان الرئتين وقفوا وبقوا عاملين زاى الحجر ونشفوا معدش عارفة تاخد اكسجين وركبوا لها خراطيم تتنفس حتى لو قليل لكي تعيش.

وبعدها بأيام الحالة توفت وبلغوا الأسرة والاسرة بلغت الاب الكاهن حتى يجهز لهم الصندوق والجنازة ابونا صحى الصبح لقاءهم بيتصلوا علية وقف يابونا دى الحالة صحيت تانى ايه اللى حصل بقا الحالة قامت عماله تصرخ انا عاوزة ابونا ابونا.

رحلها ابونا قالتلة انا مت وصحيت تانى وشفت اسد شكله صعب وريحته منتنة جداً وعاوز يهجم عليا يفترسنى فرشمت عليه الصليب وكل مارشمه كانه بيتكهرب وفي كل مرة يرجع ورا من الكهربا فندهت على العذراء ورآتها تنزل من فوق وهى في منتهى الجمال والقوة والشيطان عندما رآها احترق واخذتها معاها الفردوس.

وندهت على ابوها المتوفى يابابا يابابا وكان يوم عيد البابا كيرلس ولقت البابا كيرلس جايلها قالها انتى بتندهى على بابا ليه انا بابا وآخذها من يدها وتقدم بها لعرش السيد المسيح فوجدت ملايين الملائكة يسجدوا ويسبحوا ربنا ورغم انها مش حافظة التسبحة بقت تقول معاهم وتسجد كتير جداً.

ولما البابا كيرلس قدمها للسيد المسيح قال له هى هترجع تاني لأن لسه ليها رسالة على الارض ولما سمعت كدة فضلت تصرخ انا مش عاوزة ارجع تاني فالبابا كيرلس حب يتشفعلها ولكن المسيح رفض ورجعها تانى فظلت السيدة يومين في المستشفى في حالة صعبة لا تنام وتسبح وتقول سبحوا الرب .

فقال كلامة مختتماً: هى دى اللى نجحت في الإمتحان كل واحد فينا لازم يشد حيله ويذاكر كويس يذاكر الكتاب المقدس والدليل على ذلك انه عندما سأل السيد المسيح الشيطان سأله من الانجيل ورد الشيطان من الانجيل.

مقالات ذات صلة

اترك رد

زر الذهاب إلى الأعلى